نصائح لنجاح الدوناتس
لازم نتاكد من نوع وصلاحية الخميرة والبيكنج بودر
الازم نعجن كويس حوالى 10ـ15 دقيقة عشان العجينه تنعم بعد التخمير
بلاش المبالغه فى كمية الدقيق اللي هنفرد بيها على الرخامه ولما نيجي نفرد العجينة لازم نفردها طبقي سميكة مش رفيعة
ضروري جدا نسيبها تخمر بعد التقطيع
الزيت اللي هنقلي فيه لازم يكون حرارته متوسطة مش سخن
ارتفاع الدونتس فى الزيت وظهور خط أبيض فى النص يدل على نجاح الوصفه
المقدير
5اكواب دقيق
بضتين بدرجة حرارة الغرفه
نصف كوب زبدة بدرجة حرارة الغرفة
كوب وربع حليب دافي
معلقة كبيرة خميرة
معلقة صغيرة بيكنج بودر
معلقة صغيرة فانيليا
2ـمعلقة كبيره سكر
رشة ملح
طريقة التحضير
فى طبق كبير هنحط المكونات كلها ونعجنهم كويس لمدة 10ـ15دقيقة لحد ماالعجينة تبقا لينه ومش بتلزق فى الايد
نغطي العجينه بكيس نايلون ونسيبها تخمر لمدة ساعة بالظبط لااكتر والااقل
نفرد العجينه يبالنشابه على رخامه مرشوشة بشوية دقيق بسيط ونبدأنقطعها بقطاعة الدونتس ونسيبها ترتاح لمدة نصف ساعة
نقليها فى زيت سخن من اوى لحد مالونها يصفر كل وش بياخد أقل من دقيقة وممكن نرصها فى صينية مدهونة بشوية زيت وندخلها الفرد درجة حرارة متوسطةمع التقليب لحد ما لونها يبقا دهبي
نصفيها من الزيت على منديل مطبخ ورقيه ونسيبها تبرد ونزينها بالسكر البودرة او الايسينج أو الشكولاته المذابه
بالهنا والشفا.
تعليقات
إرسال تعليق
مرحبا بتعليقك عبر عن رائيك شاركنا....